MTOTO IVAN MLEMAVU WA VIUNGO VYOTE,APATA MSAADA

 -Mtoto Ivan

Mtoto Ivan Philibart ambaye ni mlemavu wa viungo karibia vyote mwilini amepata msaada wa baiskeli ya walemavu kutoka kwa taasisi ya kijamii ya Faraja Mission Foundation(FAMIFO TANZANIA)wakishirikiana na wadau mbalimbali.

Mtoto huyo mwenye miaka 14 anamatatizo ya uti wa mgongo ambapo amekuwa akiishi ndani bila kutoka nje hiyo ikitokana na kipato duni cha mama yake ambaye ni mzazi pekee anayemlea baada ya baba kukimba familia.

Akizungumza na wandishi wa habari wakati wa kupokea msaada huo Bi:Alkadi Kutaga ambaye ndiye mama Ivan amekishukuru kituo cha redio Kwaneema fm kwa kumfichua mtoto wake mlemavu na kupelekea kupata msaada kutoka kwa wasamalia wema huku akitoa wito kwa wenye watoto  walemavu kutowaficha ndani.

 -Mama Ivan

Kwa upande wake mkurugenzi wa taasisi ya kijamii ya faraja mission foundation(FAMIFO TANZANIA)Bwn:Erasto Juma akizungumza wakati wa kukabidhi msaada huo amewapongeza wadau mbalimbali kwa kufanikisha msaada huo lakini pia akitoa wito kwa wananchi kuwasaidia wasiojiweza.

 -Bwn: Erasto Juma

Aidha mjumbe wa serikali ya mtaa ambaye pia ni kaimu mwenyekiti wa mtaa wa kilimahewa A. kwa jina lingine mji mwema Bwn:Silidion Kabukiza amesema kwaneema fm radio pamoja na famiro wamefanya tukio la kihistoria katika mtaa huo kwa kuweza kumfichua mtoto ivani huku akiwataka wananchi kuendelea kujitokeza kumsaidia mtoto Ivan.

 -Kutoka kushoto ni Mama Ivan,Ivan Pamoja naye Erasto Juma 

Kama hukupata nafasi ya kusikiliza Makala iliyorushwa na kituo cha redio cha Kwaneema Fm Radio inayomhusu mtoto Ivan,basi PROMOVERTZ.COM inakualika kuchukua nafasi hii kuisikiliza na kuitazama Makala hiyo.

Share on Google Plus

About Promover